ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា បានអនុញ្ញាតឱ្យគណៈប្រតិភូចិន ដឹកនាំដោយលោក ម៉ាស្ស៊ូវ ចិន នាយកប្រតិបត្តិសមាគមចិន សម្រាប់ការលើកកម្ពស់លទ្ធកម្មនៃអង្គការសហប្រជាជាតិ និងគណៈកម្មការសេដ្ឋកិច្ចពាណិជ្ជកម្មអាស៊ី-ប៉ាស៊ីហ្វិក (CAPUNP-APETC) ចូលជួបសម្តែងការគួរសម ក្នុងគោលបំណងនៃការពិភាក្សានេះ ដើម្បីស្វែងយល់អំពីកាលានុវត្តភាពពាណិជ្ជកម្ម និងការវិនិយោគ និងស្នើសុំអនុសាសន៍អំពីវិស័យសក្តានុពលនៃកិច្ចសហប្រតិបត្តិការថ្មីៗបន្ថែមទៀត នៅកម្ពុជា ជាពិសេសក្នុងវិស័យកសិកម្ម ប្រព័ន្ធធារាសាស្រ្ត ថាមពល អប់រំ និងវប្បធម៌។ ជំនួបខាងលើនេះបានប្រព្រឹត្តទៅនៅសាលពិសេស វិមានព្រឹទ្ធសភា នាព្រឹកថ្ងៃទី២៧ ខែមិថុនា ឆ្នាំ២០២៥ វេលាម៉ោង០៩:៣០នាទី។
ប្រភព៖ នាយកដ្ឋានព័ត៌មាន
